Novas

A Escola Galega de Administración Pública convoca, en colaboración co Colexio Oficial de Arquitectos de Galicia, un curso de urbanismo para arquitectos e outros técnicos ao servizo da Administración.

Grazas ao convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral (Issga) convócase un curso de ergonomía, experto/a en metodoloxía Ocra Checklist revisado (Norma UNE-EN 1005-5 e ISO TR 12295) destinado ao persoal técnico do Issga e da Inspección de Traballo e Seguridade Social.

A Vicepresidencia e Consellería de Presidencia, Administracións Públicas e Xustiza convoca o Premio Manuel Colmeiro na súa décimo novena edición para traballos de investigación, inéditos e escritos en lingua galega , sobre a organización, estrutura, función e ámbitos competenciais da Administración pública de Galicia desde unha perspectiva xurídica, sociolóxica ou económica.

A Escola Galega de Administración Pública acolleu esta mañá o III Foro de emprego público, destinado a debater sobre a implantación e o desenvolvemento das normas que regulan a función pública na etapa de poscrise.

A Escola Galega de Administración Pública (EGAP) e Mugatra Sociedade de Prevención, S.L.U. convocan un curso de avaliación e intervención en situacións de acoso laboral co fin de formar os integrantes do comité de intervención do protocolo de acoso laboral.