Novas

De acordo co convenio de colaboración asinado entre a Escola Galega de Administración Pública e o Consello de Contas de Galicia convócase o curso A reforma do procedemento administrativo común das administracións públicas e do réxime xurídico do sector público e a súa incidencia no funcionamento das institucións de control externo, dirixido ao persoal do Consello de Contas de Galicia.

A Escola Galega de Administración Pública organiza unha xornada titulada Reforma da Constitución, reforma territorial: puntos de encontro, que ten como obxectivo abrir unha reflexión sobre a eventualidade de que chegue a producirse en España un proceso de reforma constitucional e sobre a importancia que tal reforma podería ter, se é o caso, para a posta ao día do sistema autonómico.

A Escola Galega de Administración Pública organiza o III Foro de emprego público sobre temas de actualidade: tendencias e perspectivas postcrise, desenvolvemento autonómico, a negociación colectiva, o directivo público profesional e instrumentos de mellora na xestión de e para as persoas, co obxectivo de analizar diversas cuestións de actualidade, facendo fincapé naquelas temáticas que, pola súa complexidade ou ambigüidade na súa interpretación, merecen ser obxecto de debate e reflexión no marco deste foro.

A Escola Galega de Administración Pública convocou, no DOG do 8 de xullo, as actividades de formación continua correspondentes ao segundo semestre do ano 2016, o que supuxo un total de 74 cursos e 2.250 prazas destinadas aos empregados públicos da Administración da Comunidade Autónoma de Galicia. Deste xeito, o citado colectivo pode acceder a un programa específico deseñado para desenvolver a súas habilidades e capacitación coa finalidade última de mellorar o servizo á cidadanía.

De acordo co convenio de colaboración asinado entre a Escola Galega de Administración Pública e a Central Sindical Independiente y de Funcionarios de Galicia (CSIF-Galicia) convócanse as seguintes actividades formativas: