Novas

A EGAP convoca no DOG do 16 de febreiro unha xornada sobre a loita contra o narcotráfico que ten como obxectivos principais analizar a problemática social do narcotráfico e abordar os medios para combatelo administrativa e xudicialmente; fomentar a coordinación das actuacións e a cooperación institucional; favorecer a intensificación dos esforzos na loita administrativa e xudicial contra a produción, distribución e consumo ilícitos de drogas e debater sobre posibles vías para paliar esta problemática.

A EGAP convoca 197 actividades formativas e 7405 prazas destinadas aos empregados públicos da Administración da Comunidade Autónoma de Galicia. Está exceptuado o persoal docente da Consellería de Cultura, Educación e Ordenación Universitaria e o persoal sanitario, non entendendo por tal, os empregados públicos da escala de saúde pública e Administración sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

A través do convenio asinado entre a Escola Galega de Administración Pública e o Instituto Galego de Seguridade e Saúde Laboral (Issga) convócase un curso de prevención de riscos laborais dirixido a empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.

De acordo co convenio de colaboración asinado entre a Escola Galega de Administración Pública e Mugatra Sociedade de Prevención S.L.U convócase un curso sobre prevención de riscos laborais: primeiros auxilios, loita contra incendios e evacuación.

A EGAP publica no DOG núm. 28, do 11 de febreiro, 22 accións formativas e 739 prazas destinadas aos empregados públicos ao servizo das entidades locais da Comunidade Autónoma de Galicia, así como aos funcionarios de Administración local con habilitación de carácter nacional que presten servizos noutras administracións públicas de Galicia.