Novas

A Escola Galega de Administración Pública (EGAP) iniciou esta mañá en Santiago de Compostela un curso monográfico de dous días centrado nas novidades das leis 39/2015, do procedemento administrativo común e 40/2015, do réxime xurídico do sector público ao que asisten 400 persoas.

Ao abeiro do convenio de colaboración asinado entre a Escola Galega de Administración Pública e o Concello da Coruña, convócase un curso de aplicacións informáticas de base de datos relacionais (Microsoft Office 2010) dirixido aos empregados públicos que presten servizos no Concello da Coruña.

O vicepresidente da Xunta destacou hoxe que a consecución dun urbanismo coherente e sostible é un obxectivo irrenunciable do Goberno galego, e nese camiño resulta fundamental a implicación de toda a cidadanía. Durante a clausura do curso monográfico Estado actual e futuro do urbanismo español, celebrado onte e hoxe na EGAP e organizado pola Axencia de Protección da Legalidade Urbanística, Alfonso Rueda puxo en valor o carácter multidisciplinar destas xornadas, así como o éxito de asistencia, con 350 matriculados.

A Escola Galega de Administración Pública convoca no DOG do 6 de xuño o programa de autoformación para o persoal ao servizo da Administración da Comunidade Autónoma de Galicia, consolidando así a acción formativa iniciada no 2013 e renovando os seus contidos formativos para incluír novos temas de interese.

A Escola Galega de Administración Pública convoca un total de 11 cursos e 510 prazas destinadas aos empregados públicos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia e aos membros das bolsas de interinos dos corpos de xestión procesual e administrativa, tramitación procesual e administrativa e auxilio xudicial da Administración de xustiza, dependentes da Comunidade Autónoma de Galicia.