Novas

Un grupo de socias do Club Gamboa visitaron esta mañá a sede a Escola Galega de Administración Pública, onde puideron coñecer as instalacións e o funcionamento do organismo da man da súa directora, Sonia Rodríguez-Campos. Ademais, visualizaron o relatorio pronunciado por Javier Gomá na EGAP no ano 2014 dentro do Curso monográfico sobre ética pública e medios para previr a corrupción.

A Escola Galega de Administración Pública publicou un número monográfico da Revista Administración&Cidadanía centrado na Harmonización fiscal.

O vicepresidente da Xunta, Alfonso Rueda presidiu hoxe o Consello Reitor da Escola Galega de Administración Pública onde foi presentado o Plan de formación, que ofrecerá aos empregados públicos máis de 23.000 prazas formativas, e as actividades de formación e divulgación abertas á cidadanía.

A EGAP convoca no DOG núm. 5, do 11 de xaneiro, unha bolsa de formación na área de ciencia económica no sector público para o ano 2016 destinada a licenciados ou graduados en economía con posterioridade a xaneiro de 2012.

Durante o ano 2015 a Escola Galega de Administración Pública consolidou o seu compromiso coa formación e a divulgación a través da convocatoria de 596 actividades e 27.763 prazas, o que supón superar as cifras do ano anterior nun 8,7 por cento no número de actividades e nun 9,5 por cento no número de prazas.