Novas

A Escola Galega de Administración Pública convoca no DOG do 28 de marzo as subvencións destinadas ao financiamento de plans de formación das entidades locais de Galicia para o ano 2016, no marco do Acordo de formación para o emprego das administracións públicas (AFEDAP).

A Escola Galega de Administración Pública convoca un curso monográfico para analizar, desde unha perspectiva pluridisciplinar, non só o novo marco normativo europeo senón tamén a súa execución en España, abordando cuestións cruciais como a distribución de competencias entre as distintas administracións, os obxectivos e prioridades temáticas de cada Fondo, os elementos comúns de xestión de todos eles ou a funcionalidade dos contratos administración e das subvencións como instrumentos de execución.

A través do convenio asinado entre a Escola Galega de Administración Pública e o Instituto Galego de Seguridade e Saúde Laboral (Issga) convócase un curso de prevención de riscos laborais dirixido a empregados públicos, traballadores por conta allea ou autónomos, empresarios e aquelas persoas con inquietudes no ámbito da prevención de riscos laborais.

Co fin de cubrir as prazas vacantes, a EGAP abre un novo prazo de matrícula para varios cursos de idiomas convocados no DOG do 4 de marzo, destinados ao persoal da Administración autonómica e de xustiza.

Co fin de cubrir as prazas vacantes, a Escola Galega de Administración Pública abre un novo prazo de matrícula para sete cursos convocados no DOG do 12 de febreiro (actividades de formación continua para o persoal ao servizo da Administración autonómica de Galicia) e para un curso convocado no DOG do 26 de febreiro (actividades de formación para o PAS das universidades galegas).