Novas

A EGAP convoca unha nova edición das actividades da primeira convocatoria dirixida ao persoal ao servizo da Administración da Comunidade Autónoma de Galicia que obtiveron unha alta demanda, ademais de dúas actividades novas.

En virtude do convenio de colaboración asinado entre a Escola de Administración Pública e o Centro Informático para a Xestión Tributaria, Económico-financeira e Contable (CIXTEC) ponse en marcha un curso de Data Warehouse estendido, dirixido ao persoal do CIXTEC con coñecementos sobre sistemas de análise.

O secretario xeral para o Deporte, José Ramón Lete Lasa, e a directora da Escola Galega de Administración Pública, Sonia Rodríguez-Campos, clausuraron esta tarde o “Curso de eventos deportivos: aspectos legais, organizativos e económicos”, o cal se celebrou simultaneamente en Santiago de Compostela, Vigo e Ourense a través da modalidade de videoconferencia.

A Escola Galega de Administración Pública abre un novo prazo de matrícula para unha edición do curso FC15098 Xénero e políticas públicas. Os orzamentos con perspectiva de xénero que terá lugar do 18 de maio ao 1 de xuño en Santiago de Compostela.

Esta xornada pretende poñer o foco de debate sobre as tensións e os desequilibrios que os distintos países europeos viviron como consecuencia da última recesión económica, o cal pon en evidencia que só a política monetaria non pode corrixir os shocks idiosincráticos dos países membros. A falta de integración fiscal produce desequilibrios cando temos unha soa moeda e dezaoito políticas fiscais diferentes, o que exacerba o risco de contaxio de tensións que se poidan producir nos mercados de débeda e, con iso, a supervivencia da propia moeda única.