Novas

A EGAP publica no DOG núm. 28, do 11 de febreiro, 22 accións formativas e 739 prazas destinadas aos empregados públicos ao servizo das entidades locais da Comunidade Autónoma de Galicia, así como aos funcionarios de Administración local con habilitación de carácter nacional que presten servizos noutras administracións públicas de Galicia.

A Escola Galega de Administración Pública convoca, en colaboración co Xurado de Expropiación de Galicia, o curso Expropiación forzosa e valoracións: procedemento expropiatorio, métodos de valoración e a súa aplicación polo Xurado de Expropiación de Galicia para a determinación do xustiprezo.

O próximo 19 de febreiro a Escola acollerá unha xornada na que se analizará como se articulan e como se adaptaron á Unión Europea as administracións locais de distintos Estados membros. Ademais, determinaranse cales son as fortalezas das cidades españolas que tiveron éxito na captación de fondos europeos e na introdución de instrumentos de políticas innovadoras.

A EGAP publica no DOG núm. 18, do 28 de xaneiro, o plan de formación do persoal das administracións e entes públicos da Comunidade Autónoma, das entidades locais e da Administración de xustiza de Galicia, así como do persoal de administración e servizos (PAS) das tres universidades galegas para o ano 2016.

Esta tarde reuniuse o consello de redacción da Revista Galega de Administración Pública, dirixida por Sonia Rodríguez-Campos e coordinada por Marcos Almeida, coa finalidade de aprobar os contidos dos números 50 e 51 da dita publicación.