Novas

A Escola Galega de Administración Pública acolleu esta mañá unha xornada sobre As futuras leis de procedemento administrativo e de réxime xurídico do sector público á que asistiron máis de 250 participantes. Nela tres recoñecidos expertos do Dereito administrativo analizaron o futuro do ordenamento xurídico da Administración a través das dúas futuras normas nucleares que regularán o sector: o Anteproxecto de lei do procedemento administrativo común das administracións públicas e o Anteproxecto de lei de réxime xurídico do sector público.

A Escola Galega de Administración Pública organiza unha xornada sobre “As futuras leis de procedemento administrativo e de réxime xurídico do sector público a exame” que terá lugar na súa sede en Santiago de Compostela o 6 de maio.

A directora da Escola Galega de Administración Pública, Sonia Rodríguez-Campos, participou hoxe na presentación dunha xornada na que expertos do ámbito da Facenda Pública, do Dereito tributario e da Ciencia económica analizaron en profundidade o debate creado ao redor da harmonización fiscal dentro da Unión Europea e das reformas necesarias para conseguir un auténtico mercado único.

A Escola Galega de Administración Pública convoca un curso monográfico que ten como obxectivo analizar, dende unha perspectiva teórica e práctica, como a Administración pública pode e debe contribuír a promover a libre competencia nos mercados, a defensa dos consumidores ante prácticas de competencia desleal e a resolución de conflitos de consumo a través de mecanismos de arbitraxe.

A EGAP convoca unha actividade formativa destinada a iniciar os profesionais do Dereito e o persoal ao servizo da Administración de xustiza no proceso de mediación, analizando as habilidades que deben adquirir para o tratamento dos conflitos. A través dela o alumnado aprenderá sobre a comunicación e o control de emocións, o coñecemento dos conflitos (identificación, dinámica de conflitos, estilos de resolución) e a mediación.