Novas

Con este vídeo a Escola Galega de Administración Pública quere homenaxear ao poeta Florencio Delgado Gurriarán no Día das Letras Galegas.

A Xunta, a través da Escola Galega de Administración Pública (EGAP), convocará durante este ano un total de 24 cursos e 1125 prazas dirixidas en exclusiva ao persoal de administración e servizos (PAS) das universidades galegas, ademais de darlles acceso aos programas de ofimática, idiomas, igualdade e prevención da violencia de xénero, autoformación e aos cursos da área de Unión Europea do Plan de formación de 2022. Todas estas accións formativas serán financiadas integramente pola Xunta cunha achega económica de 59.943,7 euros.

A Escola Galega de Administración Pública convoca unha bolsa de formación dirixida a persoas que remataran os estudos académicos con posterioridade a xaneiro do 2016 e que acrediten a titulación de licenciatura ou grao en Socioloxía ou Ciencias Políticas.

A Escola Galega de Administración Pública convoca unha bolsa de formación dirixida persoas que remataran os estudos académicos con posterioridade a xaneiro do ano 2016 e que acrediten a titulación de licenciatura ou grao en Dereito ou en Ciencias Xurídicas das Administracións Públicas.

Como un máis dos actos que a EGAP organizará para honrar as letras galegas, e especialmente este ano a Florencio Delgado Gurriarán, convócase, un ano máis, o premio de literatura infantil e xuvenil co obxecto de que os nenos e nenas galegos teñan a oportunidade de demostrar a súa capacidade para redactar en lingua galega e de exercitar a súa imaxinación para concibir historias e desenvolver as súas habilidades neste idioma.