Novas

A Escola Galega de Administración Pública acollerá os días 27 e 28 de novembro un curso sobre ética pública e medios para previr a corrupción.

A directora da EGAP, Sonia Rodríguez-Campos, e o director xeral da CRTVG, Alfonso Sánchez Izquierdo, inauguraron hoxe a xornada "Intimidade, imaxe e medios de comunicación públicos", onde distintos profesionais debateron sobre a convivencia do dereito á información e o respecto á intimidade e a honra das persoas sobre as que se informa.

A Escola Galega de Administración Pública acolleu hoxe unha xornada na que se debateron as liñas mestras da xustiza para os próximos anos. Á inauguración asistiron Alfonso Rueda, vicepresidente da Xunta de Galicia; Sonia Rodríguez-Campos, directora da EGAP; Miguel Ángel Cadenas, presidente do TSX; e José María Gómez, presidente da Sala do contencioso-administrativo do TSX.

Durante dous días máis de 300 persoas participan en Santiago de Compostela nunha das primeiras actividades formativas en todo o Estado destinada a analizar as novas Directivas de contratación pública. O seu obxectivo é ofrecer unha aproximación inicial a esta nova realidade xurídica, que provocará a reforma da lexislación española, da man de especialistas de alto nivel. Nela trataranse temas como o proceso de mellora permanente na contratación pública, os desafíos das comunidades autónomas ante a nova lexislación ou as similitudes e diferenzas respecto do marco vixente en España.

Durante dous días trataranse as novas directivas europeas de contratación pública e a Estratexia Europa 2020, a adaptación do Dereito español da contratación pública ás directivas europeas, os desafíos das CC.AA. ante o novo marco europeo de contratación pública, o proceso de mellora permanente na contratación pública e a transposición das novas directivas de contratación pública.