Novas

A Galicia que queremos debe contar cunhas administracións exemplares e eficientes, cuxo funcionamento estea orientado aos resultados e ao cumprimento e que, a través da rendición de contas aos cidadáns, permitan apreciar como a súa boa xestión converte os recursos captados en bens e servizos de calidade, o que debe contribuír a aumentar a valoración das institucións.

A EGAP amplía ata o 27 de febreiro o prazo de matrícula para a VI Xornada de formación práctica dixital (e-martes), dedicada ao Rexistro electrónico da Xunta de Galicia e que poderá ser cursada tanto polo persoal empregado público da Administración autonómica como pola cidadanía.

A EGAP, en colaboración coa Amtega, convoca para o próximo 3 de marzo un novo e-martes dedicado ao Rexistro electrónico da Xunta de Galicia e que poderá ser cursado tanto polo persoal empregado público da Administración autonómica como pola cidadanía.

A Escola Galega de Administración Pública (EGAP) acolleu hoxe a xornada Como loitar contra a aporofobia, o odio e a desinformación dende a Administración pública, unha actividade organizada en colaboración con EAPN-Galicia co obxectivo de prever calquera situación de discriminación que se poida dar por mor dos prexuízos existentes cara ás persoas en situación de pobreza ou exclusión social.

O 20 de febreiro, en horario de mañá e tarde, terá lugar na EGAP unha xornada dirixida a dotar ao alumnado dos coñecementos e competencias necesarias para previr situacións de discriminación, culpabilización e/ou aporofobia que se poidan dar por mor dos prexuízos e os estereotipos no marco da Administración pública cara a persoas en situación de pobreza e/ou exclusión social.