Novas

O plan de formación da Escola Galega de Administración Pública para o ano 2017 recolle as actividades formativas dirixidas ao persoal ao servizo da Administración xeral da Comunidade Autónoma, ao persoal ao servizo da Administración de xustiza de Galicia, ao persoal ao servizo das entidades locais de Galicia, ao persoal dos entes instrumentais do sector público autonómico e das institucións públicas autonómicas e ao persoal de administración e servizos (PAS) das tres universidades galegas (UDC, USC e Uvigo).

Esta tarde a secretaria xeral para o Deporte, Marta Míguez, e a directora da Escola Galega de Administración Pública, Sonia Rodríguez-Campos, inauguraron en Santiago de Compostela un curso sobre xestión de instalacións deportivas. Grazas á celebración desta actividade na modalidade de videoconferencia, cincuenta profesionais do deporte formaranse de xeito presencial e simultáneo nas delegacións territoriais de Santiago de Compostela, A Coruña, Lugo, Ourense, Pontevedra e Vigo.

A Escola Galega de Administración Pública acolleu esta tarde a última sesión do Curso superior sobre as leis 39/2015 e 40/2015 do procedemento administrativo común e do réxime xurídico do sector público. A lección de clausura foi impartida por Francisco Velasco Caballero, catedrático de Dereito administrativo da Universidade Autónoma de Madrid, e versou sobre os retos que supón a aplicación desta nova lexislación nas entidades locais.

A Escola Galega de Administración Pública convoca un curso no que se tratarán as principais cuestións referentes ao proceso de xestión de instalacións deportivas, facendo fincapé nos aspectos económicos e lexislativos desde un punto de vista práctico.

A Escola Galega de Administración Pública convoca no DOG do 15 de decembro un curso monográfico para analizar os aspectos máis destacados da planificación estratéxica e da dirección por obxectivos e afondar no coñecemento das ferramentas precisas para implementalas.