Novas

A Escola Galega de Administración Pública convoca no DOG do 6 de xuño o programa de autoformación para o persoal ao servizo da Administración da Comunidade Autónoma de Galicia, consolidando así a acción formativa iniciada no 2013 e renovando os seus contidos formativos para incluír novos temas de interese.

A Escola Galega de Administración Pública convoca un total de 11 cursos e 510 prazas destinadas aos empregados públicos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia e aos membros das bolsas de interinos dos corpos de xestión procesual e administrativa, tramitación procesual e administrativa e auxilio xudicial da Administración de xustiza, dependentes da Comunidade Autónoma de Galicia.

A Escola Galega de Administración Pública -en colaboración coa Consellería de Cultura, Educación e Ordenación Universitaria e a través da Secretaría Xeral de Política Lingüística- convoca no DOG do 1 de xuño cinco cursos do nivel superior de linguaxe administrativa galega para o persoal ao servizo de distintas administracións da Comunidade Autónoma de Galicia.

O próximo 15 de xuño terá lugar na EGAP un curso monográfico que persegue, dunha forma totalmente práctica, incrementar a motivación en toda persoa participante, aproveitando mellor o tempo e alcanzando máis facilmente os obxectivos marcados.

A Escola Galega de Administración Pública organiza un curso monográfico dedicado ao estudo e análise das reformas do réxime xurídico das administracións públicas e do procedemento administrativo común operadas polas novas leis 39/2015, do 1 de outubro, do procedemento administrativo común das administracións públicas e 40/2015, do 1 de outubro, de réxime xurídico do sector público.