Novas

A Escola Galega de Administración Pública, en colaboración coa Axencia de Protección da Legalidade Urbanística convoca a segunda edición do Curso de cuestións de actualidade e relacións de colaboración con axentes implicados na disciplina urbanística coa finalidade de avaliar as principais novidades normativas na materia desde o enfoque da práctica diaria, clarificar as relacións entre suxeitos que operan na defensa da ordenación do territorio, do urbanismo e do litoral e obter a visión dos diferentes axentes que colaboran para o exercicio das súas respectivas potestades e competencias.

A directora da Escola Galega de Administración Pública (EGAP), Sonia Rodríguez-Campos, puxo hoxe en valor a importancia dunha formación actualizada e de calidade dos empregados públicos nos fondos europeos de recuperación Next Generation para xestionalos con eficacia e eficiencia. “Os fondos comunitarios supoñen unha oportunidade extraordinaria para recuperar a senda do crecemento e, ademais, para impulsar unha modernización da economía española mediante un proceso de transformación estrutural que nos permita, a longo prazo, un desenvolvemento máis sostible e resiliente desde o punto de vista financeiro, social, territorial e ambiental”, apuntou.

A Escola Galega de Administración Pública, en colaboración co Instituto Galego de Promoción Económica (Igape), convoca un curso mixto (teleformación, telepresenza e presencial) de 35 horas dirixido en exclusiva ao persoal laboral e persoal funcionario con destino no Igape.

Seguindo as premisas da normativa europea, o Consello da Xunta de Galicia aprobou o 12 de decembro de 2019 a Estratexia galega de economía circular 2020-2030. Posteriormente, a Lei 6/2021, do 17 de febreiro, de residuos e solos contaminados de Galicia, incorpora como principios inspiradores a economía circular e a loita contra o cambio climático. Este webinario quere dar a coñecer a citada e lei, que ten por obxecto, ademais de regular o réxime xurídico dos solos contaminados, a regulación da produción e xestión sostible dos residuos, potenciando medidas que preveñan a súa produción e diminúan os impactos adversos sobre a saúde humana e o ambiente, vencellados á súa xeración e xestión, ao tempo que se fomenta o uso sustentable dos recursos e a transición a unha economía circular e baixa en carbono no territorio de la Comunidad Autónoma de Galicia.

O próximo 21 de outubro ás 12 horas terá lugar na Escola Galega de Administración Pública unha conferencia impartida por Ricardo Rivero Ortega, catedrático de Dereito Administrativo, sobre xestión de fondos do instrumento europeo de recuperación.