Novas

De acordo co convenio de colaboración entre a Escola Galega de Administración Pública (EGAP) e Cualtis, S.L.U. para o desenvolvemento de actividades de formación, divulgación e investigación convócase un curso de prevención de riscos laborais (primeiros auxilios, loita contra incendios e evacuación) para o persoal que presta servizos no Laboratorio Oficial de Metroloxía de Galicia.

A EGAP convoca 26 edicións formativas e 1280 prazas destinadas ao persoal empregado público e persoas integrantes das bolsas de interinos dos corpos de xestión procesual e administrativa, tramitación procesual e administrativa, auxilio xudicial e médicos forenses da Administración de xustiza en Galicia.

A Escola Galega de Administración Pública convoca 34 actividades de formación continua dirixidas ao persoal funcionario de Administración local con habilitación de carácter nacional e o resto do persoal empregado público ao servizo das entidades locais da Comunidade Autónoma de Galicia.

A EGAP convoca para 2021 unha oferta formativa conxunta en materia de igualdade e prevención e loita contra a violencia de xénero para que todos os colectivos poidan acceder á formación con independencia da administración á que pertenzan. Este programa formativo reforza a oferta neste eido a través dun incremento no número de actividades específicas e prazas de formación co propósito de que o maior número de persoas poida acceder a unha formación específica sobre estes contidos, e contribuír así, a través da capacitación do persoal, a integrar a igualdade de oportunidades de forma transversal nas actuacións das administracións públicas de Galicia.

Estas actividades formativas en materia de violencia de xénero están a ser financiadas nun 67 % con fondos do Pacto de Estado contra a Violencia de Xénero (Ministerio da Presidencia, Relacións coas Cortes e Igualdade)

A EGAP, mediante a sinatura dun convenio de colaboración coa Axencia para a Modernización Tecnolóxica de Galicia, convoca 51 actividades e 2550 prazas sobre tecnoloxías da información e da comunicación (TIC), administración electrónica e protección de datos; dirixidas ao perosal ao servizo da Administración xeral da Comunidade Autónoma de Galicia, das entidades públicas instrumentais e da Administración institucional e do persoal ao servizo da Administración de xustiza de Galicia.