Novas

En abril deste ano cumpriuse unha década da aprobación do Estatuto Básico do Empregado Público. Pasado este tempo, resulta conveniente facer balance para analizar os aspectos que si se aplicaron e aqueloutros que están aínda pendentes, identificando as causas deste incumprimento e propoñendo as posibles solucións. Ademais, abordaranse outros retos do emprego público en España, como son a xestión pública dos recursos humanos ou a laboralidade e a temporalidade do emprego público. 

O obxectivo desta actividade, organizada en colaboración coa Comisión Galega da Competencia, é analizar as cuestións máis actuais que suscita a aplicación da normativa española e da Unión Europea no ámbito da defensa e promoción da competencia nos mercados, a importancia de fomentar as mellores prácticas regulatorias e a incidencia da recente Sentenza do Tribunal Constitucional núm. 79/2017, do 22 de xuño, na aplicación da Lei 20/2013, do 9 de decembro, de garantía da unidade de mercado.

O curso ten como finalidade analizar os cambios normativos producidos coa aprobación da Lei 2/2016, do 10 de febreiro, do solo de Galicia, unida ao seu regulamento aprobado polo Decreto 143/2016, do 22 de setembro, e coa aprobación da Lei 5/2016, do 4 de maio, do patrimonio cultural de Galicia.

Do mesmo xeito, inclúese o estudo de aspectos novos como o enerxético, a contaminación luminosa, o aspecto penal e o relacionado coas exixencias derivadas da Lei 9/2014, do 9 de maio, xeral de telecomunicacións, en relación coa contaminación electromagnética.

De acordo co convenio de colaboración subscrito entre a Escola Galega de Administración Pública e o Consello Xeral dos Colexios Oficiais de Secretarios, Interventores e Tesoureiros de Administración Local (Cosital) para o desenvolvemento de actividades de formación, divulgación e investigación, convócase o curso denominado Obradoiro sobre Real decreto 424/2017, de control interno do sector público local.

De acordo co convenio de colaboración subscrito entre a Escola Galega de Administración Pública e o Colexio Territorial de Secretarios, Interventores e Tesoureiros de Administración Local de Pontevedra (Cosital Pontevedra) convócase o IV Curso de actualidade xurídica de réxime local para empregados/as públicos/as das entidades locais de Galicia.