Novas

A EGAP convoca no DOG do 2 de marzo o II Curso superior de inspección ambiental, o cal aborda, desde unha perspectiva práctica, as modificacións normativas que tiveron lugar desde a realización do I curso no ano 2014, no ámbito da inspección ambiental, así como no do traslado de residuos transfronteirizos.

Cen empregados públicos iniciaron esta mañá na Escola Galega de Administración Pública o curso superior A nova lexislación administrativa básica: teoría e práctica. Cunha duración de 45 horas, esta actividade estenderase ao longo de dous meses e servirá para formarlos sobre as principais novidades que achegan as leis 39 e 40/2015 e a súa incidencia na organización e funcionamento da Administración.

A EGAP convoca, en colaboración co Colexio de Economistas da Coruña, a xornada Auditoría do sector público na que se tratarán, entre outros temas, a nova Lei 9/2017, do 8 de novembro, de contratos do sector público e a regulación do control interno das entidades do sector público local.

A Escola Galega de Administración Pública convoca no DOG do 20 de febreiro 42 actividades de formación continua en materia de idiomas e 1620 prazas, con cursos específicos de lingua inglesa, francesa, alemá, portugesa e de signos. 

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral (Issga) para o desenvolvemento de actividades de formación, divulgación e investigación, convócase un curso de prevención de riscos laborais en actividades de tempo libre-nivel básico.