Novas

A EGAP convoca, en colaboración co grupo de investigación Esculca (Escola-Cultura) e a rede de investigación RIES (Rede de Inmigración, Educación e Sociedade), o II Simposio internacional aprendizaxe-servizo na universidade: coidando a aprendizaxe e o capital social dos estudantes que terá lugar en Santiago de Compostela o próximo 25 de maio.

O próximo 17 de abril a EGAP organiza unha xornada sobre Xustiza e opinión pública na que se tratarán os dereitos de opinión e información en relación coas actuacións xudiciais, a percepción social da xustiza e a linguaxe xudicial, entre outros temas.

A través do convenio de colaboración subscrito entre a Escola Galega de Administración Pública e o Consello Consultivo de Galicia para o desenvolvemento de actividades de formación, divulgación e investigación, convócase un curso práctico sobre responsabilidade patrimonial das entidades locais para empregados/as públicos/as das entidades locais e do sector público autonómico de Galicia.

De acordo co Convenio de colaboración subscrito entre a EGAP e o Instituto Galego do Consumo e da Competencia (IGCC) para o desenvolvemento de actividades de formación, divulgación e investigación, convócase un curso de actuación normativa en materia de arbitraxe de consumo destinado ao persoal do Instituto Galego do Consumo e da Competencia

De acordo co convenio de colaboración subscrito entre a Escola Galega de Administración Pública e o Instituto Galego de Seguridade e Saúde Laboral (Issga) convocan un curso de prevención de riscos laborais nivel básico para persoal empregado público, traballador por conta allea ou autónomo, empresario e persoa con inquietudes no ámbito da prevención de riscos laborais.