Novas

A EGAP porá en marcha o próximo 8 de febreiro unha xornada sobre a Lei 10/2014, de accesibilidade de Galicia, e a convención internacional sobre persoas con discapacidade 2006: aplicación e control polas administracións públicas. As sesións presenciais desenvolveranse en Ourense, na Delegación Territorial da Xunta de Galicia, pero poderán seguirse por videoconferencia desde Santiago de Compostela, A Coruña, Lugo, Pontevedra e Vigo.

Esta mañá tivo lugar en Santiago de Compostela unha xornada sobre o regulamento europeo de protección de datos organizada polo Colexio Profesional de Enxeñaría en Informática de Galicia (CPEIG) e a Axencia para a Modernización Tecnolóxica de Galicia (Amtega).

A Amtega e o Colexio Profesional de Enxeñaría en Informática de Galicia organizan o próximo 25 de outubro na EGAP unha xornada sobre o regulamento europeo de protección de datos.

A Escola Galega de Administración Pública e a Sociedade Pública de Investimentos de Galicia, S.A, convocan unha xornada para explicar a importancia da metodoloxía BIM nos proxectos de construción, presentar a estratexia nacional BIM do Goberno, dar a coñecer as experiencias BIM na Administración pública e debater sobre estratexias de implantación.

A Escola Galega de Administración Pública acolleu esta mañá o III Foro de emprego público, destinado a debater sobre a implantación e o desenvolvemento das normas que regulan a función pública na etapa de poscrise.