Novas

A EGAP convoca, no DOG do 19 de novembro, un curso monográfico que ten como obxectivo ofrecer unha explicación teórico-práctica da aplicación da normativa sobre transparencia polas administracións públicas.

O maxistrado Fernando Grande-Marlaska, presidente da Sala do Penal da Audiencia Nacional, clausurou esta tarde na EGAP a xornada A reforma do Código Penal a debate, na que prestixiosos xuristas analizaron as novidades introducidas pola Lei orgánica 1/2015, de 30 de marzo, pola que se modifica o Código Penal e normas complementarias desta.

A Escola Galega de Administración Pública convoca, no DOG do 17 de setembro, a xornada A reforma do Código Penal a debate co obxectivo de analizar as novidades introducidas pola Lei orgánica 1/2015, do 30 de marzo, pola que se modifica o Código Penal, e as normas complementarias desta, así como suscitar o debate sobre a conveniencia e utilidade de tales modificacións.

A situación económica que estamos atravesando nos últimos anos motivou unha profunda reflexión sobre a estrutura, competencias e ética na forma de prestar os seus servizos as administracións públicas. Como consecuencia de todo isto, revisáronse un bo número de normas e publicáronse outras que incorporaron innovadoras apostas por mellorar o funcionamento das nosas administracións. A profunda revisión da normativa vén reclamando unha análise polo miúdo das principais novidades.

A Universidade da Coruña organiza as 33 Xornadas de Xerencia, unha iniciativa da CRUE que cada ano lle permite compartir tanto ás universidades públicas como privadas os principais retos xerenciais do noso sistema universitario.