Novas

A Escola Galega de Administración Pública, en colaboración coa Axencia para a Modernización Tecnolóxica de Galicia, convoca para o próximo 15 de febreiro no marco da iniciativa Universo EGAP Innova, unha xornada de formación práctica dixital (E-martes) sobre notificacións electrónicas. 

O próximo 20 de xaneiro a EGAP impartirá un webinario destinado a analizar os problemas derivados da crise sanitaria na xestión dos recursos humanos nunha institución complexa como son as universidades, onde a presencialidade e o contacto cos usuarios é intenso, aínda que asimétrico, así como as solucións que se desenvolveron e as propostas de reforma ante unha situación coa cal é posible que haxa que convivir no futuro. Na exposición farase mención aos tres tipos de persoal que prestan servizo nas universidades públicas: o persoal docente e investigador, o persoal de administración e servizos e o persoal investigador e de apoio á investigación.

A Escola Galega de Administración Pública (EGAP) organizará o webinario ¨Unha visión normativa e xurisprudencial sobre a violencia machista en España¨ o 16 de decembro, en modalidade de telepresenza.

A EGAP organizará o 1 de decembro unha xornada sobre operacións de fin de exercicio nas entidades locais co fin de analizar, desde unha perspectiva práctica, as operacións de contabilidade pública que realizan as entidades locais no fin do exercicio orzamentario, tanto desde un punto de vista económico como orzamentario e patrimonial. A xornada será impartida polo profesor de Economía Financieira e Contabilidade da Universidade de Vigo, Francisco López Corrales.

A EGAP celebrará o próximo 14 de decembro unha nova xornada de formación práctica dixital (E-martes) sobre o Rexistro Electrónico na Xunta de Galicia, en colaboración coa Axencia para a Modernización Tecnolóxica de Galicia, e no marco da Iniciativa Universo EGAP Innova.