Novas

A Escola Galega de Administración Pública convoca, no marco do programa de actividades do Instituto de Economía Pública de Galicia, o webinario Políticas públicas para despois da crise económica. Esta actividade terá lugar mediante telepresenza o 23 de setembro.

A Escola Galega de Administración Pública convoca no marco do Ciclo de conferencias sobre "Presente e futuro do emprego público na Administración pos-COVID", o webinario As liñas vermellas da reforma da función pública que terá lugar en telepresenza o 21 de setembro.

A EGAP convoca en colaboración coa Axencia para a Modernización Tecnolóxica de Galicia, no marco da iniciativa Universo EGAP Innova, as Xornadas de formación práctica dixital (E-martes) sobre o uso de certificados dixitais na Xunta de Galicia dirixidas ao persoal empregado público, en situación de servizo activo ou asimilada, da Administración autonómica galega e dos seus entes instrumentais e á cidadanía.

A directora da Escola Galega de Administración Pública (EGAP), Sonia Rodríguez-Campos, inaugurou esta mañá en Santiago o curso monográfico Fondos Europeos NextGenerationEU co que se reforza a formación dos empregados públicos que participan na xestión de fondos europeos. Na inauguración tamén participou o director xeral de Planificación e Orzamentos, Miguel Corgos; e o director xeral de Política Financeira, Tesouro e Fondos Europeos, David Cabañó.

No marco do ciclo de conferencias sobre "Presente e futuro do emprego público na Administración pos COVID", a EGAP convoca o webinario "As reformas administrativas poscrise: balance xeral" que terá lugar o 17 de xuño na modalidade de telepresenza.

En tempos de crise, con afectación da economía, as formulacións de reforma e mellora da Administración xeneralízanse como respostas ineludibles. Ao ser positiva a intención de minimizar os efectos negativos deste tipo de situacións, non pasa desapercibido que a maioría das medidas adoptadas, por evidentes e adecuadas en todo momento, necesitasen para a súa implementación un contexto de crise e dificultade.