Novas

A EGAP convoca un obradoiro de contratación pública coa finalidade de afondar nesta materia desde un punto de vista práctico e usando técnicas de dinámica de grupo como o role play (simulación ou xogo de roles).

A Escola Galega de Administración Pública convoca, no marco do Ciclo de conferencias sobre Presente e futuro do emprego público na Administración pos-COVID, un webinario sobre as "Claves para a modernización da estrutura funcionarial", que terá lugar mediante telepresenza o xoves 25 de novembro. A xornada será impartida pola profesora de Dereito Administrativo, Josefa Cantero Martinez.

A Escola Galega de Administración Pública convoca para o día 21 de outubro un webinario sobre A Lei 9/2021, do 25 de febreiro, de simplificación administrativa e de apoio á reactivación económica de Galicia que terá lugar na Aula virtual da EGAP.

A aprobación do Estatuto de Autonomía para Galicia foi froito do consenso acadado entre os distintos actores políticos a través dun proceso que comezou cos traballos realizados pola chamada Comisión dos dezaseis. Esta comisión, integrada por representantes de diferentes formacións políticas con presenza en Galicia, presentou un texto profundamente modificado pola “Ponencia dos nove” e que sería aprobado na asemblea de parlamentarios galegos o 5 de maio de 1979. Xa no seu paso, último, polo Congreso dos Deputados, experimentou novas modificacións derivadas da sinatura do denominado “Pacto do Hostal” en setembro de 1980 que cristalizarían no texto definitivo posteriormente sometido a referendo do pobo galego.

Os martes 5 e 19 de outubruo terán lugar na EGAP, en Santiago de Compostela, dúas novas xornadas de formación práctica dixital (E-martes) que abordarán a contratación pública de Galicia a través dunha parte teórica común aos dous grupos de persoas destinatarias e dunha posterior parte práctica adaptada a cada grupo nas aulas de informática da escola.