Novas

O próximo 21 de outubro ás 12 horas terá lugar na Escola Galega de Administración Pública unha conferencia impartida por Ricardo Rivero Ortega, catedrático de Dereito Administrativo, sobre xestión de fondos do instrumento europeo de recuperación. 

A Escola Galega de Administración Pública, a través dun convenio de colaboración co Concello de Pontevedra, convoca un curso en telepresenza dirixido ao persoal directivo, os funcionarios con habilitación de carácter nacional, o persoal da escala de Administración xeral e o persoal da escala de Administración especial cuxo posto de traballo teña relación coa materia impartida do Concello de Pontevedra.

A través dun convenio de colaboración entre a Escola Galega de Administración Pública e Cualtis, S.L.U. convócanse varios cursos presenciais sobre prevención de riscos laborais en diferentes centros de traballo da provincia de Ourense.

O conselleiro de Facenda e Administración Pública, Miguel Corgos López-Prado, inaugurou hoxe na Escola Galega de Administración Pública en Santiago de Compostela o curso superior Auditoría no sector público, organizado pola EGAP en colaboración co Consello de Contas de Galicia.

Grazas a un convenio de colaboración entre a Escola Galega de Administración Pública e o Sindicato Nacional de CC.OO. de Galicia, convócase un curso en teleformación para dar a coñecer as normas substantivas e procesais do trámite de dilixencias de investigación levadas a cabo na Fiscalía.