Novas

A EGAP convoca un total de 30 edicións e 750 prazas en teleformación de cursos de linguaxe administrativa e xurídica galega, dirixidas ao persoal empregado público destinado nas administracións territoriais, institucionais e entes públicos instrumentais do sector público da Comunidade Autónoma de Galicia, así como ao persoal da Administración de xustiza de Galicia e ao PAS das universidades galegas.

A Escola Galega de Administración Pública (EGAP), a través dun protocolo de colaboración co Instituto Galego de Promoción Económica (Igape), convoca cursos de especialización de conversa en inglés financeiro e da empresa dirixidos en exclusiva ao persoal laboral e funcionario con destino no Igape.

A EGAP publica o plan de formación para o ano 2023 dirixido en exclusiva ao persoal ao servizo da Administración pública da Comunidade Autónoma de Galicia, das entidades públicas instrumentais e da Administración institucional, da Administración de xustiza de Galicia,das entidades locais de Galicia e ao persoal de administración e servizos (PAS) das universidades do Sistema universitario de Galicia. Este plan ten unha finalidade informativa, xa que a matrícula para as actividades habilitarase ao longo do ano a través das respectivas convocatorias. 

Consonte os obxectivos do Instituto de Economía Pública de Galicia, recollidos no protocolo de colaboración polo que se establecen os principios reitores e de funcionamento do devandito instituto, e aprobado o programa de actividades formativas da Escola Galega de Administración Pública para o ano 2022 polo Consello Reitor, a EGAP convoca tres cursos en teleformación en materia de economía pública. 

A Escola Galega de Administración Pública, en colaboración coa Axencia de Protección da Legalidade Urbanística convoca a segunda edición do Curso de cuestións de actualidade e relacións de colaboración con axentes implicados na disciplina urbanística coa finalidade de avaliar as principais novidades normativas na materia desde o enfoque da práctica diaria, clarificar as relacións entre suxeitos que operan na defensa da ordenación do territorio, do urbanismo e do litoral e obter a visión dos diferentes axentes que colaboran para o exercicio das súas respectivas potestades e competencias.