Novas

A Escola Galega de Administración Pública, en colaboración coa Axencia para a Modernización Tecnolóxica de Galicia, convoca un curso para que o alumnado coñeza e valore que supón a Administración electrónica, tanto desde o punto de vista das implicacións na xestión e dos procedementos e as relacións cos cidadáns como desde a perspectiva tecnolóxica.

Grazas ao convenio de colaboración asinado entre a Escola Galega de Administración Pública e o Instituto Galego de Vivenda e o Solo (IGVS) convócase un curso sobre a ferramenta unificada LIDER_CALENER (HULC). Esta actividade vai dirixida a arquitectos, técnicos, enxeñeiros e enxeñeiros técnicos da Administración autonómica que realicen funcións no IGVS.

Grazas ao convenio de colaboración subscrito entre a Escola Galega de Administración Pública e as Consellerías de Política Social, Sanidade e Cultura, Educación e Ordenación Universitaria convócanse tres cursos sobre atención temperá.

A EGAP convoca no DOG núm. 129 , do 8 de xullo, un total 74 edicións e 2.250 prazas destinadas aos empregados públicos da Administración da Comunidade Autónoma de Galicia. Está exceptuado o persoal docente da Consellería de Educación e Ordenación Universitaria e o persoal do Servizo Galego de Saúde, non entendendo por tal, os empregados públicos da Escala de Saúde Pública e Administración Sanitaria creada pola Lei 17/1989, do 23 de outubro, de creación de escalas de persoal sanitario ao servizo da Comunidade Autónoma de Galicia.

A Escola Galega de Administración Pública convoca, no DOG do 1 de xullo, un total de 27 novas actividades e 920 prazas destinadas aos empregados públicos ao servizo das entidades locais da Comunidade Autónoma de Galicia, así como aos funcionarios de Administración local con habilitación de carácter nacional que estean prestando servizos noutras administracións públicas de Galicia.