Material Multimedia

Descrición
Socio de Oliver Wyman Delta e profesor no Magister en Consultoría de Xestión Estratéxica das Organizacións da Universidade Complutense de Madrid.

En tempos de crise os directivos deben ser capaces de xestionar a inestabilidade política e as diversas ameazas que se lles presenten para poder convertelas en oportunidades. A crise, que aparece no ano 2007, crea entre os directivos un clima de desacougo e desconcerto, o que converte as solucións clásicas en insuficientes.

Apóstase por volver aos fundamentos da actividade tomando decisións en contra da tendencia, reforzando as relacións cos clientes e provedores, sendo honestos cos empregados, retendo o talento clave e actuando con compromiso. Establécense sete principios directores: saber como e que cambiar dentro da organización, desenvolver un plan de ataque e de defensa, aproveitar a redución de custes como unha oportunidade, aproveitar as adquisicións de negocio e talento, escoller e implantar a estratexia, recoñecer á nosa xente como o activo máis importante e que os líderes saiban actuar como tal.

Explícase un modelo de liderado que deben aplicar os directivos, tanto do sector público como do privado, para afrontar a crise que xira en torno aos elementos de cabeza, corazón e coraxe.